English | Inuinnaqtun | French







ᐅᖃᐅᓯᓕᕆᔾᔪᑎ


ᓇᐃᓈᖅᓯᒪᔪᖅ/ᐅᖃᐅᓯᖅ
ᑐᑭᖓ
ᕼᐋᒻᒪᓚᐅᔫᑉ ᓄᓇᖁᑎᖏᑦ ᓄᓇ ᑕᒪᓐᓇ ᓄᓇᓖᑦ ᑭᒡᓕᖓ ᓇᓗᓇᐃᖅᑕᐅᓯᒪᕗᖅ ᐊᒡᓚᖏᑦ 14.1.1-ᒥ ᑕᐃᑲᓂ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᒥ (NLCA)-ᒥ.

ᕼᐋᒻᒪᓚᒃᑯᑦ ᓄᓇᖁᑎᖏᑦ ᓄᓇᐅᔪᑦ ᐃᓗᐊᓂ ᕼᐋᒻᒪᓚᐅᔫᑉ ᑭᒡᓕᖓᓂ. ᕼᐋᒻᒪᓚᒃᑯᑦ ᓄᓇᖁᑎᖏᑦ ᐃᓱᒪᒋᔭᐅᔪᓐᓇᕐᒪᑕ ᐃᒪᓐᓇ “ᓄᓇᓕᖕᓂ ᐃᓂᐅᔪᓐᓇᖅᑐᑦ” ᐃᒪᐃᓐᓂᖓᓄᑦ ᐃᓚᓕᐅᔭᐅᓯᒪᓲᖑᓂᖏᓐᓄᑦ ᐊᓯᖏᓐᓄᑦ ᐃᓂᐅᔪᓄᑦ ᐊᒻᒪᓗ ᖃᐅᔨᓴᖅᑕᐅᓯᒪᔪᓄᑦ ᐃᓂᐅᓂᕐᓄᑦ ᓄᓇᓕᖕᓂ. ᕼᐋᒻᒪᓚᒃᑯᑦ ᓄᓇᖁᑎᖏᑦ ᐃᓚᖃᖏᑦᑐᑦ ᓄᓇᐃᓐᓇᕐᒥᒃ ᐊᒻᒪᓗ ᐃᓄᖃᖏᓐᓂᕐᓂᒃ ᓯᓚᑖᓃᑦᑐᓂᒃ ᕼᐋᒻᒪᓚᐅᔫᑉ ᑭᒡᓕᖓᑕ.

ᖃᐅᔨᓴᖅᑕᐅᓯᒪᔪᐃᓐᓈᓘᖏᑦᑐᑦ ᐃᓗᐊᓃᑐᑦ ᓄᓇᓖᑦ ᑭᒡᓕᖏᓐᓂ ᐃᓚᐅᑎᑕᐅᔪᐃᓐᓇᐅᖏᓚᑦ ᕼᐋᒻᒪᓚᒃᑯᑦ ᓄᓇᖁᑎᒋᓐᓂ. ᓄᓇᐃᑦ ᓇᖕᒥᓂᖃᖅᑎᓂᑦ ᓇᖕᒥᓂᕆᔭᑦ (ᓲᕐᓗ, ᑐᒃᓯᐊᕐᕖᑦ ᐃᓂᖏᑦ ᐊᒻᒪᓗ ᓂᐅᕕᕐᕖᑦ ᐃᓂᖏᑦ), ᑕᐃᒃᑯᐊ ᓇᖕᒥᓂᕆᔭᐅᔪᑦ ᓇᓗᓇᐃᖅᑕᐅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ, ᐅᕝᕙᓘᓐᓃᑦ ᓄᓇᐃᑦ ᐱᔭᕆᐊᖃᖅᑎᑕᐅᔪᑦ ᒐᕙᒪᑐᖃᒃᑯᓐᓂᑦ ᐅᕝᕙᓘᓐᓃᑦ ᓄᓇᕘᒥ ᒐᕙᒪᒃᑯᓐᓂᑦ (ᓲᕐᓗ, ᐃᓕᓐᓂᐊᕐᕖᑦ ᐃᓂᖏᑦ ᐊᒻᒪᓗ ᐋᓐᓂᐊᕐᕖᑦ ᐃᓂᖏᑦ) ᕼᐋᒻᒪᓚᒃᑯᓐᓂᑦ ᓄᓇᖁᑎᒋᔭᐅᖏᑦᑐᑦ.

ᐊᑐᒐᒃᓴᐅᔪᑦ ᓄᓇᐃᑦ ᓄᓇᐃᑦ ᓇᓗᓇᐃᖅᓯᒪᔪᑦ ᐱᒋᔭᐅᔪᓐᓃᖅᓯᒪᓂᖏᓐᓂᒃ ᑕᐃᑲᓂ ᓄᓇᓕᕆᓂᕐᒧᑦ ᒪᒃᐱᖅᑐᒐᕐᒥ ᐋᖅᑭᒃᑕᐅᓯᒪᕗᑦ ᐊᑐᓂᑦ ᓄᓇᓕᖕᓂ ᑯᐊᐳᕇᓴᐅᔪᓄᑦ.
ᑲᒥᓴᓇᐅᑉ ᓄᓇᖁᑎᖏᑦ ᑲᒥᓴᓇᐅᑉ ᓄᓇᖁᑎᖓ ᓇᓗᓇᐃᖅᑕᐅᓯᒪᓪᓗᓂ ᑕᐃᑲᓂ ᓄᓇᕗᑦ ᐱᖁᔭ (ᑲᓇᑕ) ᐊᒻᒪᓗ ᑲᒥᓴᓇᐅᑉ ᓄᓇᖁᑎᖓᑕ ᐱᖁᔭᖓ, ᐅᕝᕙᓘᓐᓃᑦ ᓄᓇᕗᑦ ᓄᓇᖁᑎᖏᑦ, ᓇᓗᓇᐃᖅᑕᐅᓯᒪᕗᖅ ᑕᐃᑲᓂ ᐊᕕᒃᓯᒪᔪᑦ ᓄᓇᖁᑎᖏᑕ ᐱᖁᔭᖅ (ᑲᓇᑕ)-ᒥ ᐊᐅᓚᑕᐅᓪᓗᑎᒡᓗ ᓄᓇᕗᑦ ᒐᕙᒪᒃᑯᖏᓐᓂᑦ (GN)-ᑯᓐᓂᑦ.

ᑲᒥᓯᓇᐅᑉ ᐃᑭᐊᖅᑭᕕᖓᓐᓄᑦ ᑐᙵᓱᒋᔅᓯᑦ:
ᑲᒥᓯᓇ ᓄᓇᕗᒧᑦ
Commissioner of Nunavut
Kamisinauyuq Nunavunmut
commissaire du nunavut

ᓴᖅᑭᑎᕆᓂᕐᒧᑦ ᐊᑭᖏᑦ ᑖᓐᓇ ᐊᖏᔫᑎᓕᕆᓂᕐᒧᑦ ᐊᑭᖓ ᐋᖅᑭᓲᖑᕗᖅ ᓴᖅᑭᑦᑎᑎᓪᓗᒋᑦ ᓄᓇᒥᒃ, ᐱᔭᖅᑕᐅᔭᕆᓚᐅᖅᑎᓪᓗᒋᑦ ᐊᖏᔫᑎᓕᕆᓂᕐᒧᑦ ᐊᑐᖅᑕᐅᔭᕆᐊᓖᑦ ᑮᓇᐅᔭᖅᑖᕈᑕᐅᓯᒪᕙᒃᑐᒥ ᑖᒃᑯᓄᖓᑦ ᐊᑭᑐᔫᑎᓕᕆᓂᕐᒧᑦ ᐅᕝᕙᓘᓐᓃᑦ ᐊᐃᑦᑑᓯᐊᓄᑦ ᐱᔭᐅᕙᒃᑐᑦ ᓄᓇᕗᑦ ᒐᕙᒪᒃᑯᖏᓐᓂᑦ (GN)-ᑯᓐᓂᑦ. ᐊᖏᔫᑎᓕᕆᓂᕐᒧᑦ ᐊᑭᖏᑦ ᐃᓚᖃᑐᐃᓐᓇᕆᐊᖃᖅᐳᑦ ᐅᑯᓂᖓ, ᑖᒃᑯᓄᖓᑐᐊᖑᖏᑦᑐᕐᓗ:
  1. ᐸᕐᓇᐃᓂᖅ ᐱᓕᕆᐊᖃᕐᓂᕐᓗ ᐋᖅᑭᒃᓯᒪᓂᒃᓴᖓᓂᒃ;
  2. ᐱᓕᕆᐊᖑᔪᒥᒃ ᐊᐅᓚᑦᑎᓂᖅ;
  3. ᐊᖅᑯᑎᒃᓴᖓᓂᒃ ᐋᖅᑭᒃᓱᐃᓂᖅ;
  4. ᐅᖅᑰᓴᐅᑎᐅᑉ ᓱᐴᕐᕕᒃᓴᖏᑦ ᑯᕕᓯᔪᓐᓇᕐᕕᒃᓴᐃᓪᓗ ᓴᓇᔭᐅᓂᖏᑦ;
  5. ᐱᓱᒡᕖᑦ ᐊᖅᑯᑎᐅᑉ ᑭᒡᓕᖓᒍᑦ;
  6. ᑐᐊᑉᐲᖅᓱᖅᑕᐅᓂᖏᑦ;
  7. ᑭᓱᑕᖃᖏᓐᓂᖏᓐᓂᒃᓴᖏᑦ;
  8. ᐃᒪᐅᑉ ᐊᖅᑯᑎᒃᓴᖏᑦ ᑯᕕᖅᑕᕐᕖᓪᓗ ᐊᖅᑯᑎᒃᓴᖏᑕᑦ;
  9. ᐆᒻᒪᖅᑯᑎᑦ ᐊᖅᑯᑎᒃᓴᖏᑦ;
  10. ᒪᓕᒐᑎᒍᑦ ᖃᐅᔨᓴᖅᑕᐅᓂᖏᑦ;
  11. ᐅᕐᑳᓚᐅᑎᖏᑦ;
  12. ᓄᓇᖁᑎᖓᓄᑦ ᐃᓚᔭᐅᓂᖓ/ᐅᕝᕙᓘᓐᓃᑦ ᐲᔭᐃᕝᕕᐅᓂᖓᓄᑦ ᐊᑭᖏᑦ; ᐊᒻᒪᓗ
  13. ᑮᓇᐅᔭᖅᑖᖅᑎᑕᐅᓃᑦ ᐊᒻᒪ ᐃᓚᒋᐊᕈᑎᖏᓐᓄᑦ ᐊᑭᖏᑦ ᐱᕈᖃᑦᑕᕐᓂᖏᑦ ᓄᓇᖁᑎᖓ ᐋᖅᑭᒃᑕᐅᓇᓱᐊᖅᑎᓪᓗᒍ.
ᐋᖅᑭᒃᓯᒪᓂᖓ ᓄᓇᖓᑕ ᓂᐅᕕᐊᒃᓴᐅᓂᖓ, ᐊᑐᖅᑐᐊᒐᒃᓴᐅᓂᖓᓄᑦ ᐅᕝᕙᓘᓐᓃᑦ ᐋᖅᑭᒃᓯᒪᓂᕆᔭᖓᓄᑦ ᓄᓇᐅᑉ. (ᐃᓚᖓ 3 ᑕᕝᕙᓂ ᑲᒥᓴᓇᐅᑉ ᓄᓇᖁᑎᖓᓄᑦ ᐱᖁᔭ)-ᒥ.
ᓴᓇᑎᑦᑎᔨᓂᒃ ᐊᑐᖅᐸᖕᓂᖏᑦ ᐊᑐᖅᐸᒃᑐᑦ ᐱᓕᕆᐊᖃᖅᖢᑎᒃ ᓴᓇᑎᑦᑎᓂᕐᒥᒃ, ᐋᖅᑭᒃᓱᐃᓂᕐᒥᒃ, ᐅᕝᕙᓘᓐᓃᑦ ᐱᒃᓴᖃᖅᑎᑦᑎᕙᒃᑐᑦ ᐊᑐᖅᑕᐅᔪᒃᓴᓂᒃ ᓴᓇᕐᕈᑎᓂᒡᓘᓐᓃᑦ ᐅᕝᕙᓘᓐᓃᑦ ᐋᖅᑭᒃᓯᒪᔪᑐᖃᕐᒥᒃ ᐊᐅᓪᓚᑦᑎᕙᒃᑐᑦ.
ᓄᓇᐅᑉ ᐊᐅᓚᑕᐅᓂᖓᓄᑦ ᐊᖏᖃᑎᒌᒍᑎᑦ ᑳᓐᑐᓛᖑᔪᖅ ᑖᒃᑯᖕᓄᙵᒃ ᓄᓇᓕᖕᓂ ᑯᐊᐳᕇᓴᒃᑯᓐᓂᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ (GN) ᓇᓗᓇᐃᖅᓯᒪᓗᓂ ᖃᓄᐃᓕᐅᖅᑕᐅᓂᐊᕐᓂᖓ, ᐊᑐᕆᐊᓖᑦ ᒪᓕᒋᐊᓖᓪᓗ ᓅᑕᐅᓂᖓᓄᑦ ᓄᓇᐅᔪᖅ ᓄᓇᕗᑦ ᒐᕙᒪᒃᑯᓐᓂᑦ ᓄᓇᓕᖕᓂ ᑯᐊᐳᕇᓴᒃᑯᖏᓐᓄᑦ.
ᓄᓇᖏᑦ ᓄᓇ ᐃᓛᒃᑰᖅᑐᖅ, ᐋᖅᑭᒃᑕᐅᓂᖏᑕ ᐊᑭᖏᑦ ᒪᓕᒃᑭᓪᓗᑎᒃ ᐱᑕᖃᖁᔭᐅᓂᖓᓂᒃ ᓄᓇᓕᖕᓂ ᑯᐊᐳᕇᓴᒃᑯᓐᓂᑦ ᐅᕝᕙᓘᓐᓃᑦ ᒪᓕᒐᖕᑎᒍᑦ ᖃᐅᒡᓴᖅᑕᐅᓯᒪᔪᑦ ᐱᔾᔪᑎᖃᕐᓗᑎᒃ ᐊᑐᖅᑐᐊᖅᑕᐅᔪᒃᓴᐅᓂᖓᓂᒃ ᐅᕝᕙᓘᓐᓃᑦ ᐊᓯᖏᑎᒍᑦ ᐱᔭᐅᑎᑦᑎᓂᐊᕐᓗᑎᒃ.
ᓄᓇᒥᒃ ᐊᑐᖅᑐᐊᕐᓂᕐᒧᑦ ᐊᑭᖏᑦ ᐊᑭᖏᑦ ᐋᖅᑭᒃᑕᐅᕙᒃᑐᑦ ᓄᓇᓕᖕᓂ ᑯᐊᐳᕇᓴᒃᑯᓐᓂᑦ ᒪᓕᒃᖢᑎᒃ ᓄᓇᐅᑉ ᓴᖅᑭᑕᐅᓂᖓᑕ ᐊᑭᖓᓂᒃ ᐋᖅᑭᒃᓯᒪᔪᑎᒍᑦ ᓄᓇᓕᕆᓂᕐᒧᑦ ᒪᓕᒐᕋᓛᒃᑯᑦ.
ᓂᐅᕕᐊᖑᔪᓐᓇᕐᓂᖏᑕ ᐊᑭᖏᑦ ᑖᓐᓇ ᐊᑭᖓ ᓄᓇᐅᑉ ᐃᓚᖓᓂᒃ ᓂᐅᕕᕈᒪᔪᖅ ᐊᑭᖃᖅᑎᑦᑎᓇᓱᐊᕈᓐᓇᖅᐳᖅ ᐊᑭᒋᖁᔭᒥᓂᒃ ᓂᐅᕐᕈᑎᖃᕈᒪᔫᑉ ᓈᒪᒋᓗᓂᐅᒃ. ᓂᐅᕕᕋᓱᐊᕐᓂᐅᑉ ᐊᑭᖓ ᖃᐅᔨᔭᐅᔪᓐᓇᖅᐳᖅ ᓄᓇᖁᑎᑦ ᐊᑭᖏᓐᓂᒃ ᖃᐅᔨᒪᔨᑕᒻᒪᕆᖕᒥᑦ ᐱᔪᓐᓇᐅᑎᖃᖅᑑᓗᓂᓗ ᐅᕝᕙᓘᓐᓃᑦ ᓄᓇᓂᒃ ᖃᐅᔨᓴᖅᑎᒥᑦ ᐅᕝᕙᓘᓐᓃᑦ ᐃᓄᖕᓄᑦ
ᓄᓇᓕᖕᓂ ᑯᐊᐳᕇᓴᓐ ᓄᓇᓕᖕᓂ ᒐᕙᒪᒋᔭᐅᔪᖅ ᓴᖅᑭᑕᐅᓯᒪᓪᓗᓂ ᐊᑐᖅᖢᑎᒃ ᑖᔅᓱᒥᖓ ᓄᓇᓕᐸᐅᔭᕐᓄᑦ, ᓄᓇᓕᖕᓄᑦ, ᓄᓇᓕᕋᓛᓄᓪᓗ ᐱᖁᔭᖅ, ᐱᖁᔭᖅ, ᐅᕝᕙᓘᓐᓃᑦ Hᐋᒻᓚᒃᑯᑦ ᐱᖁᔭᖓ.
ᓄᓇᓕᙳᖅᑎᑕᐅᓯᒪᔪᖅ ᓇᓗᓇᐃᖅᑕᐅᓯᒪᓂᖓ ᓄᓇᐅᑉ ᓄᓇᙳᐊᑎᒍᑦ ᐱᔪᓐᓇᕐᓂᖃᕐᕕᐅᓪᓗᓂᓗ ᓄᓇᓕᖕᓂ ᖁᐊᐳᕇᓴᒃᑯᖏᓐᓂᑦ.
ᓄᑖᑦ ᓄᓇᖁᑎᒃᓴᒫᖑᔪᑦ ᓇᓗᓇᐃᖅᑕᐅᓯᒪᕗᑦ ᑖᒃᑯᓄᖓ ᑐᕌᖓᔪᑦ ᓄᓇᓖᑦ ᓄᓇᖁᑎᖏᑕ ᐊᐅᓚᑕᐅᓂᖏᓐᓄᑦ ᒪᓕᒐᕌᓛᒥ.
ᐃᓂᒋᔭᐅᖏᑦᑐᒥ ᐊᑭᓕᒐᒃᓴᐃᑦ ᓄᓇᓕᖕᓂ ᑯᐊᐳᕇᓴᐅᔪᑦ ᐋᖅᑭᒃᓯᑐᐃᓐᓇᕆᐊᖃᕆᕗᑦ ᐊᑭᓕᒃᑲᓐᓂᒐᒃᓴᒥᒃ ᓄᓇᒥᒃ ᐊᑐᖅᑐᐊᕐᓂᕐᒧᑦ ᐃᓚᐃᓐᓇᖓᓕᒡᓘᓐᓃᑦ ᑕᒪᒃᑭᖅᑐᒥᒡᓘᓐᓃᑦ ᐃᑲᔫᑕᐅᓂᐊᖅᑐᒥᒃ ᓄᑖᒧᑦ ᐊᖏᔫᑎᓕᕆᓂᐅᑉ ᐊᑭᖓᑕ ᐃᓚᖓᓄᑦ ᐅᕝᕙᓘᓐᓃᑦ ᐊᖏᓕᒋᐊᖅᑕᐅᔾᔪᑎᖓᓄᑦ ᓴᓇᔭᐅᔫᑉ, ᐃᓚᐅᓪᓗᓂ ᓄᓇᒧᑦ, ᑕᕝᕗᖓᓪᓚᕆᒃ, ᑭᓯᐊᓂ ᑭᑭᑦᑎᖏᒃᑭᓪᓗᓂ, ᐱᓇᔭᖅᑕᖓᓂᒃ ᐊᑐᖅᑐᐊᕐᓂᐊᖅᑑᑉ. ᑖᓐᓇ ᓴᓇᕝᕕᐅᔪᖅ ᓄᓇ ᐃᓂᖃᕆᐸᖃᙱᓚᖅ ᓄᓇᓖᑦ ᓄᓇᖁᑎᖓᓂ ᐊᑐᖅᑐᐊᖅᑕᐅᓂᐊᓕᖅᑐᖅ. ᓲᕐᓗ ᐱᔾᔪᑎᒋᓗᒍ, ᐱᐅᓯᒋᐊᖅᑕᐅᑎᑦᑎᓗᓂ ᐃᒪᐅᑉ/ᑯᕕᖅᑕᕐᕕᐅᑉ ᐊᖅᑯᑎᖓᓂᒃ.
ᐊᓯᔾᔨᖅᑕᐅᓂᕐᒧᑦ ᐊᑭᖏᑦ ᑖᓐᓇ ᓇᓚᐅᑦᑖᖅᑕᐅᓯᒪᔪᖅ ᐋᖅᑭᒃᓯᕕᐅᓂᐊᒃᓂᖓᓄᑦ ᐊᑭᖏᑦ ᐃᓚᐃᓐᓇᖓᓄᑦ ᓄᓇᐅᑉ, ᒫᓐᓇᓕᓴᕈᖅᑎᑕᐅᓯᒪᓗᑎᒃ ᐊᕐᕌᒍᒧᑦ, ᐃᒃᐱᒋᖃᓯᐅᔾᔭᐅᓯᒪᓗᓂ ᓴᓇᔭᐅᓂᖓᑕ ᐊᑭᖓ ᓄᓇᖁᑎᒃᓴᐅᑉ ᓄᓇᓕᖕᓂ, ᐃᓚᐅᑎᑕᐅᖕᒥᓗᑎᒃ ᓄᓇᐅᑉ ᓇᓃᓐᓂᖓᓄᑦ ᐊᑐᕆᐊᓖᑦ.
ᓄᓇᐅᑉ ᐃᓂᖃᕐᕕᖓᑕ ᖃᓄᐃᓐᓂᖏᑦ ᓇᓃᓐᓂᕐᒧᑦ ᐊᑐᕐᓂᖃᑐᐊᖅᐸᑦ, ᐊᑐᕆᐊᓖᑦ ᐊᑐᖅᑕᐅᑐᐃᓐᓇᕆᐊᖃᖅᐳᑦ ᓄᓇᓕᖕᓂ ᑯᐊᐳᕇᓴᒃᑯᓐᓂᑦ ᐃᓚᒋᐊᖅᑕᐅᓗᑎᒃ ᐲᖅᓯᕝᕕᐅᓗᑎᒡᓘᓐᓃᑦ 25-ᐳᓴᓐᓗᐊᒥᒃ ᓴᖅᑭᑕᐅᓂᖓᑕ ᐊᑭᖓᓂᑦ ᓄᑖᓄᑦ ᐃᓂᒃᓴᐅᔪᓐᓇᖅᑐᓄᑦ ᐅᕝᕙᓘᓐᓃᑦ ᐊᓯᔾᔨᖅᑕᐅᓂᖓᓄᑦ ᐱᑕᖃᖅᐸᒌᖅᑑᑉ ᓄᓇᖁᑎᒃᓴᐅᑉ. ᐊᑐᖅᑎᑕᐅᔪᓐᓇᖅᑐᑦ ᐅᑯᐊᖑᑐᐃᓐᓇᕆᐊᖃᖅᐳᑦ:
  1. ᐊᖏᓂᖓ ᓄᓇᐅᑉ ᐃᓚᖓᑕ;
  2. ᐃᓂᒃᓴᐅᑉ ᖃᓄᐃᓕᖓᓂᖏᑦ (ᖁᕝᕙᓯᖕᓂᖓᑕ ᑲᓅᑎᒋᓂᖓ, ᐊᖏᓂᖓ ᓄᓇᓕᖅᓱᖅᑕᐅᓂᖓᑕ, ᐊᓯᖏᓪᓗ.);
  3. ᐃᓂᖃᕐᕕᒃᑯᒥᒋᔭᐅᓇᔭᖅᑐᑦ ᐱᑕᖃᖅᐸᑕ (ᓲᕐᓗ., ᑰᒃ, ᑰᒐᓛᑦ ᐅᕝᕙᓘᓐᓃᑦ ᑕᓯᖅ, ᑕᑯᔭᒐᖃᑦᑎᐊᕈᓐᓇᖅᑐᒥ, ᑕᒪᒃᑯᓂᖓᒐᓗᒃ.);
  4. ᓴᓂᓕᖃᕐᓗᓂ ᓄᓇᒥᒃ ᐊᑐᖅᑕᐅᕙᒃᑐᒥᒃ; ᐊᒻᒪᓗ
  5. ᑐᒃᓯᕋᖅᑕᐅᓯᔪᑦ ᓄᓇᐃᑦ.
ᑕᐃᒪᐃᒃᑲᓗᐊᖅᑎᓪᓗᒋᑦ, ᐊᓯᔾᔨᖅᑕᐅᓂᖏᑦ ᐊᑭᖏᑕ ᓄᓇᒥᒃ ᐊᑐᖅᑐᐊᕐᓂᕐᒧᑦ ᐊᑭᑦᑐᓗᕆᐊᖃᖏᑦᑐᓐᓇᖅᑐᖅ ᓴᓇᔭᐅᓂᖓᓄᑦ ᐊᑭᖏᑦ ᓇᓕᐊᓐᓄᓪᓚᕆᒃ ᑐᕌᖓᓂᖓ ᒪᓕᒡᓗᒍ.
CMHC-ᑯᑦ ᑲᓇᑕᒥ ᐊᑭᓕᖅᓱᐃᔪᑦ ᐃᒡᓗᒧᑦ ᐊᒻᒪᓗ ᐃᒡᓗᓕᕆᔨᕐᔪᐊᒃᑯᑦ (CMHC), ᒐᕙᒪᒃᑯᓐᓂᑦ ᐱᒋᔭᐅᔪᖅ ᑲᓇᑕᒥ ᒐᕙᒪᒃᑯᓐᓂᑦ.
100-ᓂᒃ ᐃᓯᒐᓪᓗᐊᓂᒃ ᑕᑭᓂᓕᒃ ᓄᓇ 100-ᓂᒃ ᐃᓯᒐᓪᓗᐊᓂᒃ ᑕᑭᓂᓕᒃ ᓄᓇ
(ᑕᑯᓗᒍ ᐃᓚᖓ 5, ᐃᓛᒃᑯᑦ 14, ᐊᕕᒃᑐᖅᓯᒪᓂᖓᓃᑐᖅ 14.5.1-ᒥᑦ 14.5.3-ᒧᑦ)

ᓄᓇᕗᑖᕐᓂᕐᒧᑦ ᐊᖏᖃᑎᒌᒍᑎᒥᒃ ᐃᓛᒃᑯᑦ ᑕᑯᓗᒍ ᐃᓚᖓ 130,131

100-ᓂᒃ ᐃᓯᒐᓪᓗᐊᓂᒃ ᑕᑭᓂᓕᒃ ᓄᓇ 30.48 ᒥᑕᔅ ᐃᓗᐊᓃᒃᑯᓂ (100-ᓂᒃ ᐃᓯᒐᓗᐊᓂᒃ) ᑕᕆᐅᑉ ᐅᓕᒃᑕᕐᕕᒋᔭᖓᓂᑦ ᐱᒋᐊᕐᓗᒍ (ᓯᒡᔭᖓᓃᑐᑦ) ᐅᒥᐊᖅᑐᕐᕕᐅᕙᒃᑐᑦ ᐃᒪᖅᐲᑦ ᓄᓇᓖᑦ ᓄᓇᖁᑎᖏᓐᓃᑐᑦ. ᑖᒃᑯᐊ ᓄᓇᐃᑦ ᐊᐅᓚᑕᐅᕗᑦ ᒥᐊᓂᕆᔭᐅᕗᓪᓗ ᑲᒥᓯᓇᒧᑦ ᒪᓕᒃᖢᑎᒃ ᓄᓇᕗᑖᕐᓂᕐᒧᑦ ᐊᖏᖃᑎᒌᒍᑎᒥᒃ ᐃᓛᒃᑯᑦ 14 ᐃᓚᖓ 5-ᒥᑦ ᐊᑐᖅᑕᐅᔪᒃᓴᐅᑎᓪᓗᒋᑦ ᐃᑲᔫᓯᐊᕐᑖᕈᑎᒃᓴᐅᑎᓪᓗᒋᓪᓗ ᓄᓇᓕᖕᓄᑦ. ᑖᒃᑯᐊ ᓄᓇᐃᑦ ᐃᓂᒦᑐᑦ ᑕᐃᔭᐅᒐᔪᖕᒪᑕ 100-ᓂᒃ ᐃᓯᒐᓪᓗᐊᓂᒃ ᑕᑭᓂᓖᑦ ᐅᕝᕙᓘᓐᓃᑦ ᑕᕆᐅᑉ ᐅᓕᒃᑕᕐᕕᒋᔭᖓᓂᑦ ᐱᒋᐊᕐᕕᓖᑦ ᓄᓇᐃᑦ. ᑖᒃᑯᐊ ᓄᓇᐃᑦ ᐊᑐᖅᑐᐊᖅᑕᐅᔪᓐᓇᖅᑐᑦ ᐊᒻᒪᓗ ᓴᓇᕕᐅᔪᓐᓇᖅᑐᑦ ᑭᓯᐊᓂ ᓂᐅᕐᕈᑕᐅᔪᓐᓇᖏᑦᑐᑦ. ᓄᓇᓖᑦ ᓄᓇᖁᑎᖏᑦ ᓇᖕᒥᓂᖅᑖᕈᓐᓇᖏᑦᑐᑦ ᑖᒃᑯᓂᖓ ᓄᓇᐅᔪᓂᒃ, ᑕᐃᒪᐃᒃᑲᓗᐊᖅᑎᓪᓗᒍ, ᓄᓇᓖᑦ ᓄᓇᖁᑎᖏᑦ ᐊᖏᖅᓯᔪᓐᓇᖅᑐᖅ ᓯᕗᓂᐊᒍᑦ ᑲᒥᓯᓇᒧᑦ ᐊᑐᖅᑐᐊᖅᑎᑕᐅᓚᐅᖏᓐᓂᖏᓐᓂᒃ ᓄᓇᒥᒃ ᐅᕝᕙᓘᓐᓃᑦ ᓄᑦᓯᓚᐅᖏᓐᓂᖏᓐᓂᒃ ᒐᕙᒪᑐᖃᒃᑯᓐᓄᑦ. ᓱᓕ ᓄᓇᕗᑖᕐᓂᕐᒧᑦ ᐊᖏᖃᑎᒌᒍᑎᒃ ᒪᓕᒐᖑᖅᑎᑕᐅᓚᐅᖅᑎᓐᓇᒍ, 100-ᓂᒃ ᐃᓯᒐᓗᐊᓂᒃ ᑕᑭᓂᓖᑦ ᓄᓇᐃᑦ ᐊᐅᓚᑕᐅᓂᖓ ᒥᐊᓂᕆᔭᐅᓂᖓᓗ ᓅᑕᐅᓚᐅᖅᓯᒪᕗᖅ ᑲᒥᓴᓇᒧᑦ ᒐᕙᒪᑐᖃᒃᑯᓐᓃᖓᖅᖢᓂ ᑕᐃᓱᒪᓂ ᓄᓇᐃᑦ ᐃᓗᐊᓃᑐᑦ ᓄᓇᓖᑦ ᓄᓇᖁᑎᖏᑦᑕ ᑭᒡᓕᖏᑦ ᓅᑕᐅᑎᓪᓗᒋᑦ ᑲᒥᓴᓇᒧᑦ.

100-ᓂᒃ ᐃᓯᒐᓗᐊᓂᒃ ᑕᑭᓂᓕᒃ ᓄᓇ ᒪᓕᒐᑐᖃᐅᕗᖅ ᐱᒋᐊᕐᓂᑯᑐᖃᖅ ᑕᐃᓱᒪᓂ ᓄᓇᒋᔭᐅᔪᐃᑦ ᓄᓇᖏᓐᓄᑦ ᐱᖁᔭᖅᑖᖅᑎᑕᐅᑎᓪᓗᒋᑦ. (ᑖᓐᓇ ᐱᖁᔭᖅ ᐊᑐᖅᑕᐅᓲᖑᕗᖅ ᐊᐅᓚᑕᐅᔭᕆᐊᖃᕋᖓᑕ ᒥᐊᓂᕆᔭᐅᔭᕆᐊᖃᕋᖓᑕᓗ ᒐᕙᒪᑐᖃᒃᑯᑦ ᓄᓇᖁᑎᖏᑦ (ᑲᓇᑕᐅᑉ ᒐᕙᒪᒃᑯᖏᑦᑕ ᓄᓇᖁᑎᖏᑦ). ᐋᕿᒃᑕᐅᓯᒪᓂᖃᕐᐳᖅ ᑭᒃᑯᑐᐃᓐᓇᐃᑦ ᐅᐸᐅᑎᔪᓐᓇᖁᓪᓗᒋᑦ ᓄᓇᐃᑦ ᑭᒡᓕᖏᓐᓃᑐᓄᑦ. ᓄᓇᐃᑦ ᓂᐅᕐᕈᑕᐅᓐᓂᕐᐸᑕ ᓇᖕᒥᓂᖅᑖᕆᔭᐅᓗᑎᒃ, ᑭᒃᑯᑐᐃᓐᓇᕐᓂᒃ ᐅᐸᒃᑕᐅᔭᕆᐊᖃᖏᑎᑦᓯᔪᓐᓇᖁᓪᓗᒋᑦ ᑭᒡᓕᖓᓄᑦ. ᑕᒪᕐᒥᑲᓴᒃ ᑲᓇᑕᒥᑦ ᓄᓇᐃᑦ ᐊᕕᒃᑐᖅᓯᒪᓂᖏᑦᑎᒍᑦ ᒐᕙᒪᖏᑦ ᑕᓱᒪ ᐊᔾᔨᐸᓗᐊᓂᑦ ᐱᖁᔭᖃᕆᕗᑦ ᐊᐅᓚᑦᑎᓂᕐᒨᖓᔪᒥᒃ ᑲᓇᑕᐅᑉ ᒐᕙᒪᒃᑯᖏᑦᑕ ᓄᓇᖁᑎᖏᓐᓂᒃ. ᐅᒃᑑᑎᒋᓗᒍ, ᐋᓐᑎᐅᕆᔪᒥ, ᐃᓘᓐᓇᒍᑦ ᒪᓕᒐᖃᖅᐳᑦ, ᓇᖕᒥᓂᖅᑖᕆᓂᐊᖅᑕᕐᓂᒃ ᓂᐅᕕᕈᓐᓇᖏᓚᑎᑦ 55 ᐃᓯᒐᓪᓗᐊᑦ ᐃᓗᐊᓃᑐᒥᒃ ᑕᕆᐅᑉ ᐅᓕᒃᑕᕐᕕᒋᔭᖓᓂᑦ ᐱᒋᐊᕐᓗᒍ. ᐊᒻᒪ ᓂᐅᕙᐅᓐᓚᓐᒥᑦ ᓚᐸᑐᐊᒥᓪᓗ 15-ᒦᑕᒡ ᐃᓗᐊᓂ.


ᖃᕆᓴᐅᔭᒃᑯᑦ ᐊᑐᖅᑕᐅᔪᓐᓇᖅᑐᑦ ᐱᓕᕆᔾᔪᑕᐅᓗᑎᒃ

ᓄᓇᙳᐊᖁᑎᒋᔭᐅᔪᑦ
ᓄᓇᓖᑦ

100-ᓂᒃ ᐃᓯᒐᓪᓗᐊᓂᒃ ᑕᑭᓂᓕᒃ ᓄᓇ

ᐊᐱᖅᑯᑕᐅᒐᔪᒃᐸᒃᑐᑦ ᐊᐱᖅᑯᑎᒃᓴᐃᑦ
ᓄᓇᒥᒃ ᓂᕈᐊᕈᑎᖃᕐᓂᕐᒧᑦ ᐊᐱᖅᑯᑏᑦ ᐊᐱᕆᔭᐅᔾᔪᑕᐅᒐᔪᒃᑐᑦ ᓂᕈᐊᕐᓂᖅ

ᓄᓇᒥᒃ ᐊᑐᖅᑐᐊᕐᓂᕐᒧᑦ ᓄᓇᒥᒡᓗ ᐊᑐᕐᓂᕐᒧᑦ ᐊᐱᖅᑯᑎᒃᓴᕆᔭᐅᕙᒃᑐᑦ

ᑕᑯᔅᓴᕈᕈᓐᓇᖅᑐᑦ ᐊᒃᑐᐃᓂᖃᓐᓃᑦ

ᖃᓄᐃᓕᐅᒐᒃᓴᐃᑦ
ᐃᓄᓕᒫᓄᑦ ᑐᓴᒐᒃᓴᖅ

ᓂᕈᐊᕐᓂᖅ

ᐱᕙᓪᓕᐊᔪᑦ
ᓄᓇᒥᑦ ᓂᕈᐊᖕᓂᖅ

ᐊᑐᐊᒐᐃᑦ ᒪᓕᒋᐊᖃᖅᐸᒃᑐᓪᓗ ᒪᓕᒐᐃᑦ

ᐅᖃᐅᓯᓕᕆᔾᔪᑎ



©2010 Government of Nunavut | Privacy Statement