ᑲᓐᖑᓇᖅᑐᓕᕆᓂᕐᒧᑦ ᖃᐅᔨᒃᑲᐃᔾᔪᑏᑦ

ᓄᓇᕗᑦ ᒐᕙᒪᒃᑯᖏᑦ ᑲᒪᑦᑎᐊᕋᓱᐊᕐᓂᐊᖅᑐᑦ ᐊᑐᐃᓐᓇᐅᑎᑦᑎᑦᑎᐊᕐᓗᑎᒃ ᕿᒥᕐᕈᔪᒪᔪᓂᒃ ᒐᕙᒪᒃᑯᑦ ᓴᖅᑭᔮᖅᑎᑕᖏᓐᓂ ᐊᒻᒪᓗ ᑲᓐᖑᓇᐃᓐᓇᕐᓂᐊᖅᑐᑦ ᐊᑏᑦ ᐃᓯᖅᑐᑦ ᖃᕋᓴᐅᔭᕐᒧᑦ. ᑖᓐᓇ ᓇᓗᓇᐃᖅᓯᓯᒪᔪᖅ ᓇᐃᓪᓕᑎᖅᓯᒪᓪᓗᒍ ᑲᓐᖑᓇᖅᑐᓕᕆᓂᕐᒧᑦ ᐱᖁᔭᖏᑦ ᐊᑐᖅᑕᐅᖃᑦᑕᕐᓂᐊᖅᑐᓂᓗ ᓄᓇᕗᑦ ᒐᕙᒪᒃᑯᖏᓐᓄᑦ ᖃᕋᓴᐅᔭᒃᑯᑦ ᓴᖅᑭᔮᖅᑎᑕᖏᓐᓄᑦ.

  • ᓄᓇᕗᑦ ᒐᕙᒪᒃᑯᖏᑕ ᖃᕋᓴᐅᔭᒃᑯᑦ ᓴᖅᑭᔮᖅᑎᑕᖏᑦ ᓄᐊᑦᑎᑦᑕᐅᑎᒋᔭᓐᖏᑦᑐᖅ ᐃᕕᑦ ᒥᔅᓵᓄᑦ, ᓲᕐᓗ ᐊᑎᕐᓂᑦ, ᐅᖄᓚᐅᑎᓐᓂᒃ ᖃᕋᓴᐅᔭᖅᐱᓪᓘᓐᓃᑦ ᑐᕌᕈᑎᖓᓐᓂ. ᐱᕙᑦᑐᒍᑦ ᑭᓯᐊᓂ ᑐᓂᓯᒍᒪᓐᓂᕈᕕᑦ ᖃᐅᕋᓴᐅᔭᒃᑯᑦ ᑎᑎᕋᕐᓂᕈᕕᑦ ᐊᑎᓕᐅᕐᓂᕈᕕᓪᓘᓐᓃᑦ.
  • ᐃᓕᒡᓂᒃ ᐱᔾᔪᑎ~ᓕᑦ ᑎᑎᕋᖅᑕᓕᒫᑎᑦ, ᑎᒍᒥᐊᖅᑕᐅᖏᓐᓇᕋᔭᖅᑐᑦ ᓄᐊᑕᐅᓗᑎᒃ ᑎᑎᕋᖅᑐᒥᓃᑦ ᐊᑎᖏᑦ ᐸᐸᑕᐅᓕᕐᓗᑎᒃ ᓄᓇᕗᑦ ᖃᐅᔨᓴᕐᓂᕐᒧᑦ ᑐᓴᕈᑎᓂᒃ ᐸᐸᑕᐅᓗᑎᒃ ᒪᓕᓪᓗᑎᒃ ᑲᓐᖑᓇᖅᑐᓕᕆᓂᕐᒧᑦ ᐱᕈᔭᖏᓐᓂ. ᑕᐃᒪᐃᒻᒪᑦ ᓄᐊᑕᐅᔪᑦ ᐱᔭᐅᔪᓂᓛᒃ ᐊᐱᕆᒐᔭᖅᑐᒍᑦ ᐊᖏᖅᑳᕋᓗᐊᕐᒪᖔᖅᐱᑦ ᐊᑏᑦ ᐱᓯᒪᒍᓐᓇᕈᑦᑎᒍ, ᖃᐅᔨᒃᑲᖅᑕᐅᒐᔭᖅᑐᑎᓪᓗ ᑭᓱᒧᑦ ᐊᑐᕋᔭᕐᒪᖔᑦᑎᒍ ᑕᐃᒃᑯᐊ ᓄᐊᑕᕗᑦ ᖃᓄᕐᓗ ᐱᔪᓐᓇᐅᑎᖃᕐᒪᖔᖅᐱᑦ ᑐᑭᓯᒋᐊᕈᒪᓐᓂᕈᕕᑦ.
  • ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᖅᑎᖃᖅᑐᑦ ᖃᕋᓴᐅᔭᕐᓄᑦ ᐃᓚᔅᓴᖏᓐᓂ ᖃᐅᔨᓴᖅᑎᒥᑦ ᑕᒪᒃᑯᓂᖓ ᐃᓯᕆᐊᖃᓐᖏᑦᑐᓅᖅᑕᐃᓕᒪᔾᔪᑎᐅᓪᓗᑎᒃ ᐊᔪᕆᒍᒪᔭᓯᓗ ᐊᓯᔾᔩᒐᓱᐊᕐᓂᕈᔅᓯᓗ, ᐅᕝᕙᓘᓐᓃᑦ ᓱᕋᐃᔪᒪᔪᖃᕐᓂᖅᑲᑦ ᐅᐊᑦᑎᔨᖃᖅᑐᑦ. ᑕᒪᒃᑯᐊ ᐱᔭᐅᔪᑦ ᓇᓗᓇᐃᖅᑕᐅᕙᑦᑐᑎᒃ ᑎᑎᕋᖅᑕᐅᕙᑦᑐᑎᓪᓗ ᖃᕋᓴᐅᔭᒃᑯᑦ ᑐᕌᕈᑎᖏᓐᓄᑦ ᖃᐅᔨᒋᐊᖅᑐᒥᓂᕐᓄᑦ, ᐅᓪᓗᖓ ᖃᑦᑎᒨᕐᓂᖓᓗ ᑎᑎᕋᖅᓯᒪᒐᔭᖅᑐᑦ ᒪᑉᐱᖅᑐᒐᐃᓪᓗ ᐊᒥᓲᓂᖏᑦ ᕿᒥᕐᕈᔭᒥᓂᖅᓯ. ᐊᓯᐊᓄᓪᓗ ᑲᓱᕈᑎᐅᔪᓄᑦ ᑐᕌᕈᑎᖏᓐᓂ ᐱᕙᓐᓂᖏᑦᑐᒍᑦ ᑭᓇᐅᔾᔪᑎᖏᓐᓂᓪᓗ ᖃᐅᔨᒋᐊᖅᑐᒥᓂᕐᓄᑦ ᓱᕋᐃᒍᒪᒐᓱᑦᑐᖃᕐᓂᖅᑲᑦ ᑭᓯᐊᓂ ᐱᑕᐃᓐᓇᕋᔭᖅᑐᒍᑦ.
  • ᓄᓇᕗᑦ ᒐᕙᒪᒃᑯᖏᑦ ᐊᑐᖃᑦᑕᖏᑦᑐᑦ “ᑯᑭᐅᓂᕋᖅᑕᐅᔪᓂᒃ” ᑭᒃᑰᓂᔅᓯᓐᓂ ᖃᐅᔨᒋᐊᕈᑎᓂᒃ ᕿᒥᕐᕈᔪᒥᓂᕐᓂᑦᔭ ᑯᑭ ᐊᑐᖅᑕᐅᓂᖅᑲᑦ ᖃᐅᔨᒃᑲᐃᓂᖅᑲᑦ ᐃᓕᔅᓯᓐᓂ ᐊᑐᖅᑕᐅᓚᐅᓐᖏᓐᓂᖓᓐᓂ ᐊᐱᕆᖅᑳᕋᔭᖅᑐᒍ ᐃᓕᓐᓂ ᐊᖏᕐᒪᖔᖅᐱᑦ ᐊᖏᓐᖏᒻᒪᖔᖅᐱᓪᓘᓐᓃᑦ (“ᑯᑭᐅᓂᕋᖅᑕᐅᔪᖅ” ᖃᕋᓴᐅᔭᕐᓃᑦᑐᖅ ᖃᐅᔨᒪᓐᖏᒃᑲᓗᐊᖅᑎᓪᓗᑎᑦ ᖃᕋᓴᐅᔭᕐᓃᖃᑦᑕᖅᑐᓂᒃ ᐃᕕᑦ ᖃᐅᔨᒋᐊᕈᓐᓇᕆᓪᓗᒍ ᐊᑐᕈᒪᓐᓂᕈᕕᐅᒃ.)
  • ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᒋᐊᖃᖅᑐᑦ ᑐᓴᕈᑎᔅᓯᓐᓂ ᑭᐅᔭᕆᐊᖃᕐᓂᖏᓐᓄᑦ ᑐᔅᓯᕋᕐᓂᕈᕕᓪᓘᓐᓃᑦ ᑕᐃᒪᐃᑦᑐᓄᑦ ᑐᓂᑐᐃᓐᓇᕆᐊᖃᓐᖏᖅᑐᓂᒃ ᐊᑐᖅᑕᐅᔪᓐᓇᕋᔭᖅᑐᑦ ᖃᐅᔨᒋᐊᖅᑐᒥᓂᕐᓂᑦ. ᑕᒪᒃᑯᐊ ᑭᓯᐊᓂ ᑲᑐᔾᔨᕙᑦᑕᕗᑦ ᑐᓂᓯᓐᓂᕈᕕᑦ ᒐᕙᒪᒃᑯᓐᓄᑦ ᑐᑭᓯᒋᐊᕈᒪᓐᓂᕈᕕᑦ ᑭᐅᔭᐅᒋᐊᖃᕐᓂᕈᕕᓪᓗ. ᐊᑐᖃᑦᑕᖏᑦᑕᕗᑦ ᓴᖅᑭᖅᑕᐅᓯᒪᔪᑦ ᑭᓇᐅᔾᔪᑎᓯ, ᓴᖅᑭᖃᑦᑕᖏᑦᑕᕗᑦᑕᐅ ᓯᓚᑖᓄᑦ ᒐᕙᒪᑐᖃᒃᑯᓐᓄᑦ.
  • ᐊᐱᖅᑯᑎᔅᓴᖃᕈᔅᓯ ᐅᖃᐅᓯᔅᓴᖃᕈᔅᓯᓘᓐᓃᑦ ᑕᒪᒃᑯᐊ ᐱᖁᔭᖏᓐᓂ, ᐊᐅᓚᑕᐅᓂᖏᓐᓂᓪᓗ ᓄᓇᕗᒻᒥ ᐃᓯᖅᑕᐅᔪᓐᓇᖅᑐᓂᒃ ᑐᓴᕈᑎᓂᒃ ᐸᐸᑕᐅᓂᖏᓐᓂᓪᓗ ᑲᓐᖑᓇᖅᑐᓕᕆᓂᕐᒧᑦ ᐱᖁᔭᕐᓂᑦ ᓄᓇᕗᑦ ᒐᕙᒪᒃᑯᖏᓐᓂ ᖃᐅᔨᒋᐊᕈᓐᓇᖅᑐᑎᑦ ᖃᕋᓴᐅᔭᒃᑯᑦ ᑎᑎᕋᖅᑕᑎᑦ ᑐᔫᑎᒋᓗᒋᑦ ᐅᕗᖓ:

Manager, Access to Information and Privacy
Government of Nunavut
Executive and Intergovernmental Affairs
P.O. Box 1000, Station 200
Iqaluit, NU X0A 0H0
Phone: 867 975-6000
Fax: 867 975-6091

ᓈᒻᒪᒋᓐᖏᒃᑯᕕᒋᑦ ᑕᒪᒃᑯᐊ ᑲᓐᖑᓇᕐᓂᕐᒨᖓᔪᑦ, ᖃᐅᔨᒋᐊᕈᓐᓇᖅᑐᑎᒃ ᐊᓪᓚᕕᖓᓐᓄᑦ ᑲᓐᖑᓇᖅᑐᓕᕆᓂᕐᒧᑦ ᑲᒥᓴᓇᖓᓐᓄᑦ ᐅᕗᖓ:

Information and Privacy Commissioner of Nunavut
5018, 47th street
Yellowknife, Northwest Territories X1A 2N2
Phone: (867) 669-0976
Fax: (867) 920-2511
Email: atippcomm@theedge.ca