English | Inuinnaqtun | French





ᐊᐱᖅᑯᑕᐅᒐᔪᒃᐸᒃᑐᑦ ᐊᐱᖅᑯᑎᒃᓴᐃᑦ


ᓄᓇᒥᒃ ᓂᕈᐊᕈᑎᖃᕐᓂᕐᒧᑦ ᐊᐱᖅᑯᑕᐅᒐᔪᒃᑐᑦ ᓂᕈᐊᕐᓂᖅ

  1. ᑭᒃᑯᑦ ᓂᕈᐊᕈᓐᓇᖅᐸᑦ?
    ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔪᒥ ᓂᕈᐊᕈᓐᓇᕈᕕᑦ ᓄᓇᔅᓯᓐᓂ, ᑕᐃᒪᓕ ᓂᕈᐊᕈᓐᓇᕆᕗᑎᑦ ᑕᒪᑐᒪᓂ ᓄᓇᒥᒃ ᓂᕈᐊᕈᑎᖃᕐᓂᕆᔭᐅᕙᒃᑐᒥ.
  2. ᖃᔅᓯᐅᕙ ᐳᓴᓐᑎᒋᓇᔭᖅᑕᖓ ᓂᕈᐊᕐᓂᕆᔭᐅᔪᐃᑦ ᐱᔭᐅᔭᕆᐊᓖᑦ ᐱᓂᐊᕐᓗᓂ “ᐊᖏᖅᑐᒥᒃ” ᓂᕈᐊᕐᓂᕐᒥᒃ?
    ᐅᓄᕐᓂᖅᓴᐅᓂᕆᔭᖏᑦ (50%+) ᐃᓄᐃᑦ ᓂᕈᐊᖅᑐᑦ “ᐊᖏᕐᓗᑎᒃ” ᐅᕝᕙᓘᓐᓃᑦ “ᐋᒃᑳᕐᓗᑎᒃ” ᐋᖅᑭᒃᓯᒪᓕᖅᑎᑦᑎᓇᔭᖅᑐᑦ ᖃᓄᐃᓕᖓᓂᕆᔭᖓᓂᒃ ᑕᒪᑐᒪ ᓂᕈᐊᕐᓂᕆᔭᐅᔫᑉ. ᑕᐃᒃᑯᐊ ᓂᕈᐊᙱᑦᑐᑦ ᖃᓄᐃᓕᐅᕈᓐᓇᕐᕕᖃᕋᔭᙱᓚᑦ ᖃᓄᐃᓕᖓᓂᕆᔭᐅᓕᖅᑐᒥᒃ.
  3. ᑭᒃᑯᑦ ᐋᖅᑭᒃᓱᐃᕙᑦ ᑕᒪᑐᒥᖓ ᓂᕈᐊᕐᓂᕆᔭᐅᔪᒥᒃ??
    ᑕᒪᓐᓇ ᓂᕈᐊᕐᓂᕆᔭᐅᔪᖅ ᐱᒋᐊᖅᑎᑕᐅᓂᐊᖅᐳᖅ ᓄᓇᕗᑦ ᒐᕙᒪᒃᑯᖏᓐᓂᑦ. ᓂᕈᐊᖅᑐᓕᕆᔩᑦ ᓄᓇᕘᒥᐅᓄᑦ ᑲᒪᒋᔭᒃᓴᖃᕐᓂᐊᖅᐳᑦ ᓂᕈᐊᕐᓂᕐᒧᑦ ᑲᔪᓯᓂᕆᔭᐅᓪᓚᕆᖕᓂᖓᓂᒃ. ᓄᓇᕗᒻᒥ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᑲᒪᒋᔭᒃᓴᖃᕋᔭᖅᐳᑦ ᑭᒃᑯᑐᐃᓐᓇᓂᒃ ᖃᐅᔨᒪᑎᑦᑎᓂᕐᒧᑦ ᐱᓕᕆᐊᖑᕙᒃᑐᒥᒃ ᑕᒪᑐᒧᖓ ᐱᕕᒃᓴᒧᑦ ᓂᕈᐊᕐᓂᕆᔭᐅᔪᒧᑦ ᑎᑭᓪᓗᒍ.
  4. ᖃᑯᒍ ᑕᒪᓐᓇ ᓂᕈᐊᕐᓂᕆᔭᐅᔪᖅ ᑲᔪᓯᑎᑕᐅᓛᖅᐸ?

  5. ᓄᓇᒥᒃ ᓂᕈᐊᕈᑎᖃᕐᓂᖅ ᑲᔪᓯᑎᑕᐅᔪᒫᖅᐳᖅ ᒪᐃ 9, 2016-ᒥ.

  6. ᑭᓱᒥᒃ ᐊᐱᖅᑯᑎᒃᓴᒥᒃ ᐊᐱᕆᔪᖃᖅᐸ?
    ᐊᐱᖅᑯᑎᒃᓴᖅ ᐊᐱᕆᔭᐅᔪᒃᓴᐅᑕᐅᓪᓗᓂ ᑕᒪᑐᒪᓂ ᓄᓇᒥᒃ ᓂᕈᐊᕈᑎᖃᕐᓗᓂ ᓂᕈᐊᕐᓂᕐᒥ ᐃᒪᐃᓕᖓᕗᖅ "ᕼᐋᒻᒪᓚᒋᔭᐅᔪᖅ ___________−ᑯᓐᓂ ᓂᐅᕐᕈᑎᖃᕈᓐᓇᖁᓇᔭᖅᐱᐅᒃ ᕼᐋᒻᒪᓚᒃᑯᑦ ᓄᓇᖁᑎᖏᓐᓂᒃ?" “ᐄ” ᐅᕝᕙᓘᓐᓃᑦ “ᐋᒃᑲ”
  7. ᖃᓄᐃᒻᒪᑦ ᓄᓇᒥᒃ ᓂᕈᐊᕈᑎᖃᖅᑐᖃᖅᐸ?
    ᑎᑎᕋᖅᓯᒪᓂᖓ 14.8 ᐅᑯᓇᓂ, ᓄᓇᕘᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᒥ ᓂᕈᐊᕐᕕᐅᔭᕆᐊᖃᖅᑎᑦᑎᓚᐅᐳᖅ ᐊᓯᔾᔨᖅᑎᖅᑕᐅᓂᖏᓐᓄᑦ ᕼᐋᒻᒪᓚᒃᑯᑦ ᓄᓇᖁᑎᒋᔭᖏᑦ (ᐊᔪᙱᓐᓂᕆᔭᐅᔪᖅ ᓂᐅᕕᕆᐊᒃᓴᖅ ᓄᓇᒥᒃ) ᓯᕗᓪᓕᖅᐹᒥ ᐊᒻᒪᓗ ᐊᐃᑉᐸᖓᓂ ᐊᕐᕌᒍᒥ ᐊᑐᓕᖅᑎᑕᐅᕌᓪᓚᓚᐅᖅᑎᓪᓗᒍ ᓄᓇᕘᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᖅ. ᓄᓇᒥᒃ ᓂᕈᐊᕈᑎᖃᕐᓂᕐᒥᒃ ᑲᔪᓯᑎᑦᑎᔪᖃᓚᐅᖅᐳᖅ ᐄᐳᕈ 10, 1995-ᒥ; ᑖᓐᓇᓗ ᓴᖅᑭᑎᑦᑎᓪᓗᓂ “ᐋᒃᑳᕐᓂᕐᒥᒃ” ᓂᕈᐊᕐᓂᕆᔭᐅᔪᒥᒃ ᑕᒪᐃᓐᓂ ᓄᓇᓕᖕᓂ. ᑕᒪᓐᓇ “ᐋᒃᑳᕐᓗᓂ” ᓂᕈᐊᕐᓂᕆᔭᐅᔪᖅ ᑐᑭᖃᖅᖢᓂ ᕼᐋᒻᒪᓚᒃᑯᑦ ᓂᐅᕐᕈᑎᖃᕈᓐᓇᖃᑦᑕᕋᔭᙱᓚᑦ ᕼᐋᒻᓚᒃᑯᑦ ᓄᓇᖁᑎᒋᔭᖏᓐᓂᒃ; ᓄᓇᐃᑦ ᓴᒃᑯᑕᐅᖃᑦᑕᐃᓐᓇᕋᔭᖅᐳᑦ ᐊᑐᖅᑐᐊᖅᑕᐅᑎᑕᐅᓗᑎᒃ.

    20 ᐊᕐᕌᒍᐃᑦ ᐊᓂᒍᖅᓯᒪᓕᖅᐸᑕ, "ᕼᐋᒻᓚᒋᔭᐅᔪᒥ ᓂᕈᐊᖅᑏᑦ" ᓂᕈᐊᕆᔭᖃᑐᐃᓐᓇᕆᐊᓖᑦ ᓄᓇᒧᑦ ᓂᕈᐊᕐᓂᐅᓂᐊᖅᑐᒥᒃ ᐲᖅᓯᔪᒪᓗᑎᒃ ᐊᔪᕐᓇᖅᑎᑦᑎᓂᖓᓂᒃ ᓂᐅᕐᕈᑎᖃᕐᓂᐊᕐᓗᓂ ᕼᐋᒻᒪᓚᒃᑯᑦ ᓄᓇᖁᑎᒋᔭᖓᓂᒃ ᑎᑎᕋᖅᓯᒪᓂᖓᑕ 14.8.4 ᐊᑖᒍᑦ ᑖᒃᑯᓇᓂ ᓄᓇᕘᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᓂ; ᑕᐃᒪᐃᓐᓂᖓᓄᓪᓗ, ᖃᖓᑐᐃᓐᓇᑦᑎᐊᒃᑯᑦ ᐄᐳᕈ 10, 2015-ᖑᐊᓪᓚᓚᐅᖅᑎᓪᓗᒍ, ᓄᓇᒥᒃ ᓂᕈᐊᕈᑎᖃᕐᓗᓂ ᓂᕈᐊᖅᑎᑦᑎᔪᖃᑐᐃᓐᓇᕆᐊᓕᒃ ᐲᖅᓯᔪᒪᓗᓂ ᐊᔪᕐᓇᖅᑎᑦᑎᓂᐅᕙᒃᑐᒥᒃ ᓂᐅᕐᕈᑎᖃᕐᓂᐊᕐᓗᓂ ᕼᐋᒻᒪᓚᒃᑯᑦ ᓄᓇᖁᑎᒋᔭᖏᓐᓂᒃ;

    ᐄᑉᐳ 10, 2015 ᐊᓂᒍᖅᓯᒪᓕᕐᓂᖓᓄᑦ, ᓄᓇᕗᑦ ᒐᕙᒪᒃᑯᖏᑦ ᐋᖅᑭᒃᓯᒪᓕᖅᑎᑦᑎᓕᖅᐳᑦ ᓈᒻᒪᒃᑐᒥᒃ ᐱᕕᒃᓴᒥᒃ ᐊᓂᒍᖅᓯᒪᓕᕐᓂᖓᓂᒃ ᓄᓇᓕᖕᒥᐅᓪᓗ ᓂᕈᐊᖅᑏᑦ ᐱᕕᒃᓴᖃᖅᑎᑕᐅᓪᓗᐊᖅᐳᑦ ᓂᕈᐊᕐᓂᕐᒥᒃ ᓇᓗᓇᐃᖅᓯᑦᑎᐊᕈᒪᓗᑎᒃ ᒫᓐᓇ ᐊᑐᖅᑕᐅᖃᑦᑕᖅᑐᒥᒃ ᐱᕕᒃᓴᖃᖅᑎᑦᑎᔪᒪᓂᕐᒧᓪᓘᓐᓃᑦ ᐃᓛᒃᑰᖅᑐᑦ ᓇᖕᒥᓂᖃᖅᑎᑦᑐᓐᓴᕐᓂᕐᒧᑦ ᓄᓇᓂᒃ ᕼᐋᒻᓚᒃᑯᑦ ᑭᒡᓕᖏᑕ ᐃᓗᐊᓃᑦᑐᓂᒃ.

  8. ᑭᓱᒥᒃ ᓂᕈᐊᕈᑎᖃᖅᐳᖓ?
    ᑕᒪᓐᓇ ᓄᓇᒥᒃ ᓂᕈᐊᕐᓂᕆᔭᐅᔪᖅ ᐃᓕᖕᓄᑦ ᐱᒻᒪᕆᐊᓗᖕᓂᒃ ᐋᖅᑭᒃᓯᒪᓕᖅᑎᑦᑎᔾᔪᑕᐅᕙᒃᐳᖅ ᖃᓄᖅ ᕼᐋᒻᒪᓚᒋᔭᓯ ᑲᑎᒪᔨᖏᑦ ᓄᓇᔅᓯᓐᓂ ᑲᒪᒋᔭᖃᖃᑦᑕᖁᓇᔭᕐᒪᖔᖅᐱᒋᑦ ᐊᐅᓚᑦᑎᕙᒡᓗᑎᒡᓗ ᕼᐋᒻᒪᓚᒃᑯᑦ ᓄᓇᖁᑎᒋᔭᖏᓐᓂᒃ. ᓂᕈᐊᕈᓐᓇᖅᐳᑎᑦ ᑲᔪᓰᓐᓇᕈᒪᓗᑎᑦ ᒫᓐᓇ ᐱᑕᖃᖅᐸᒌᖅᑐᒧᑦ ᑲᔪᓯᐊᔾᔪᑕᐅᕙᒃᑐᒧᑦ ᑕᒪᓐᓇ ᐱᕕᒃᓴᖃᖅᑎᑦᑎᕙᒃᖢᓂ ᑲᑎᒪᔨᓂᒃ ᐊᑐᖅᑐᐊᖅᑎᑦᑎᓂᕐᒥᒃ ᕼᐋᒻᒪᓚᒃᑯᑦ ᓄᓇᖁᑎᒋᔭᖏᓐᓂᒃ ᐅᕝᕙᓘᓐᓃᑦ ᕼᐋᒻᒪᓚᒃᑯᑦ ᑲᑎᒪᔨᖏᑦ ᑐᓂᔪᓐᓇᖅᐸᑎᑦ ᓴᙱᓂᒃᑲᓐᓂᕆᓇᔭᖅᑕᖏᓐᓂᒃ ᐱᔪᓐᓇᐅᑎᒋᒃᑲᓐᓂᕈᓐᓇᕋᔭᖅᑕᖏᓐᓂᒡᓗ ᓂᐅᕐᕈᑎᖃᕐᓂᐊᕐᓗᑎᒃ ᑕᒪᒃᑯᓂᖓ ᓄᓇᖁᑎᒋᔭᐅᔪᓂᒃ.

    ᓂᕈᐊᖅᑐᖃᖅᐸᑦ “ᐋᒃᑳᕐᓗᓂ” ᐋᖅᑭᒃᓯᒪᓕᖅᑎᑦᑎᔪᖃᕐᓗᓂ, ᕼᐋᒻᒪᓚᒃᑯᑦ ᓄᓇᓕᐸᐅᔭᐅᓪᓘᓐᓃᑦ ᑲᑎᒪᔨᖏᑦ ᐱᓯᒪᐃᓐᓇᕐᓂᐊᖅᐳᑦ ᓇᖕᒥᓂᖃᕐᓂᕐᒥᒃ ᑕᒪᐃᓐᓂᑦᑎᐊᖅ ᕼᐋᒻᒪᓚᒃᑯᑦ ᓄᓇᖁᑎᖏᓐᓂᒃ ᑲᔪᓰᓐᓇᕐᓂᐊᖅᖢᑎᒡᓗ ᒫᓐᓇ ᐊᑐᖅᑕᐅᖃᑦᑕᖅᑐᒧᑦ ᓴᒃᑯᑦᑎᔪᒪᓗᑎᒃ ᓄᓇᒥᒃ ᐊᑐᖅᑐᐊᖅᑎᑉᐸᒡᓗᒍ.

    ᓂᕈᐊᖅᑐᖃᖅᐸᑦ “ᐊᖏᕐᓗᓂ” ᐋᖅᑭᒃᓯᒪᓕᖅᑎᑦᑎᔪᖃᕐᓗᓂ, ᑲᑎᒪᔩᑦ ᐱᕕᒃᓴᖃᖅᑎᑕᐅᓕᕋᔭᖅᐳᑦ ᓂᐅᕐᕈᑎᖃᕈᓐᓇᕐᓂᕐᒥᒃ ᕼᐋᒻᒪᓚᒃᑯᑦ ᓄᓇᖁᑎᒋᔭᖏᓐᓂᒃ. ᑲᑎᒪᔩᑦ ᑐᓂᓯᑐᐃᓐᓇᕆᐊᖃᖅᐳᑦ ᓇᖕᒥᓂᖃᕐᓂᕐᒥᒃ ᓇᓗᓇᐃᖅᑕᐅᓯᒪᔪᓄᑦ ᐃᓂᓄᑦ ᓄᓇᒥ ᐃᓄᖕᒧᑦ ᑲᒻᐸᓂᒋᔭᐅᔪᒧᓪᓘᓐᓃᑦ ᑖᓐᓇᓗ ᐊᑭᓖᓕᕋᔭᖅᐳᖅ ᓂᐅᕕᕐᓯᓂᕐᒧᑦ ᐊᑭᖏᓐᓂᒃ ᑕᒪᒃᑯᐊ ᓄᓇᒥ ᐃᓂᒋᔭᐅᔪᑦ. ᑲᑎᒪᔩᑦ ᐋᖅᑭᒃᓯᒪᓕᖅᑎᑦᑎᓂᐊᖅᐳᑦ ᓇᓕᐊᖕᓂᒃ ᓄᓇᒥ ᐃᓂᓂᒃ ᓂᐅᕐᕈᑕᐅᔪᖃᕐᓂᐊᕐᒪᖔᑦ ᖃᑯᒍᓗ ᑕᒪᒃᑯᐊ ᓄᓇᒥ ᐃᓃᑦ ᒪᓂᒪᓕᕋᔭᕐᒪᖔᑕ ᓂᐅᕐᕈᑕᐅᔪᓐᓇᕐᓗᑎᒃ. ᕼᐋᒻᒪᓚᒃᑯᑦ ᑲᑎᒪᔨᖏᑦ ᐋᖅᑭᒃᓯᒪᓕᖅᑎᑦᑎᔭᕆᐊᖃᕋᔭᖅᐳᑦ ᑕᒪᐃᓐᓂᑦᑎᐊᖅ ᒪᓕᒋᐊᓕᖕᓂᒃ ᑲᔪᓯᐊᔾᔪᑕᐅᓇᔭᖅᑐᓂᒡᓗ ᓂᐅᕐᕈᑎᖃᕐᓂᐊᕐᓗᓂ ᓄᓇᒥ ᐃᓂᓂᒃ ᐅᕙᓂ, ᓄᓇᒥᒃ ᐊᐅᓚᑦᑎᕝᕕᖃᕐᓗᓂ ᒪᓕᒐᕋᓛᖁᑎᒋᔭᒥᓂ.

  9. ᑕᒪᓐᓇ ᓂᕈᐊᕐᓂᖅ ᐊᒃᑐᖅᓯᕙᒃᐹ ᑕᒪᐃᓐᓂᒃ ᓄᓇᓂᒃ ᕼᐋᒻᓚᒃᑯᑦ ᑭᒡᓕᒋᔭᖏᓐᓃᑦ?
    ᐋᒃᑲ. ᑕᒪᓐᓇ ᓂᕈᐊᕐᓂᖅ ᐊᒃᑐᖅᓯᑐᐃᓐᓇᕋᔭᖅᐳᖅ “ᕼᐋᒻᓚᒃᑯᑦ ᓄᓇᖁᑎᒋᔭᖏᓐᓂᒃ” ᑕᐃᒪᓐᓇ ᓇᓗᓇᐃᖅᓯᒪᑎᓪᓗᒍ ᓄᓇᕘᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᒥ. ᕼᐋᒻᓚᒃᑯᑦ ᓄᓇᖁᑎᒋᔭᖏᑦ ᑭᒡᒐᖅᑐᐃᕗᑦ ᑕᒪᐃᓐᓂᑲᓴᒃ ᓄᓇᓂᒃ ᕼᐋᒻᓚᒃᑯᑦ ᑭᒡᓕᒋᔭᖏᓐᓃᑦᑐᓂᒃ, ᑕᒪᓐᓇᓗ ᐃᓚᖃᖅᖢᓂ ᓄᓇᒥᒃ ᐊᒡᒍᖅᑐᖅᑕᐅᓯᒪᔪᒥᒃ ᐃᓂᒃᓴᓕᐊᕆᔭᐅᑎᑕᐅᓯᒪᓪᓗᑎᒃ ᐃᒡᓗᕐᔪᐊᓄᑦ ᐊᒡᒍᖅᑐᖅᑕᐅᓯᒪᙱᑦᑐᓂᒡᓗᑦᑕᐅᖅ ᓄᓇᓂᒃᑕᐅᒃ. ᑕᒪᒃᑯᐊ ᓄᓇᐃᑦ ᓴᓂᕐᕙᒃᑕᐅᓯᒪᕗᑦ ᐊᑐᖅᑕᐅᔪᒃᓴᐅᑕᐅᓪᓗᑎᒃ ᐱᕚᓪᓕᕈᑕᐅᔪᒃᓴᐅᑕᐅᓪᓗᑎᒡᓗ ᕼᐋᒻᓚᒋᔭᐅᔪᓄᑦᓄᓇᓕᖕᒥᐅᑕᕆᔭᐅᔪᓄᓪᓗ. ᑭᓯᐊᓂᑦᑕᐅᖅ, ᕼᐋᒻᓚᒃᑯᑦ ᓄᓇᖁᑎᒋᔭᖏᑦ ᐃᓚᖃᙱᓚᑦ ᐃᓄᐃᑦ ᓇᖕᒥᓂᕆᔭᖏᓐᓂᒃ ᓄᓇᓂᒃ, ᓄᓇᐃᑦ ᓇᖕᒥᓂᕆᔭᐅᔪᑦ ᓄᓇᕗᑦ ᒐᕙᒪᖓᑕ ᑲᓇᑕᐅᓪᓗ ᒐᕙᒪᖓᑕ, ᓄᓇᐃᑦ ᐃᓂᖃᖅᑐᑦ 100 ᐃᓯᒐᐃᑦ ᐃᓗᐊᓂ ᓯᒡᔭᒥᑦ, ᓄᓇᐃᓪᓗ ᐃᓛᒃᑰᖅᑐᓂᑦ ᓇᖕᒥᓂᕆᔭᐅᓚᐅᖅᑐᑦ ᑖᓐᓇ ᓄᓇᕘᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑎ ᐊᑐᓕᓚᐅᙱᓐᓂᖓᓂ. ᑕᒪᒃᑯᐊ ᓄᓇᐃᑦ ᐊᐅᓚᑕᐅᖃᑦᑕᐃᓐᓇᕐᓂᐊᖅᐳᑦ ᐊᓯᖏᓐᓂᑦ ᑲᑐᔾᔨᖃᑎᒌᓂᑦ ᐃᓄᑐᐃᓐᓇᓂᓪᓗ.
  10. ᖃᓄᐃᒻᒪᑦ ᓂᕈᐊᕆᐊᖃᖅᐳᖓ?
    ᑕᒪᓐᓇ ᐋᖅᑭᒃᓯᒪᓕᖅᑎᑦᑎᓂᖅ ᐋᖅᑭᒃᓯᒪᓕᖅᑎᑦᑎᓂᐊᖅᑐᖅ ᖃᓄᖅ ᐃᕝᕕᑦ, ᓄᓇᓕᖕᒥᐅᑕᐅᑎᓪᓗᑎᑦ, ᐱᔪᓐᓇᕋᔭᕐᒪᖔᖅᐱᑦ ᓄᓇᒥ ᐃᓂᒋᔭᐅᔪᒃᓴᓂᒃ ᓯᕗᓂᒃᓴᑦᑎᓐᓂ.
  11. ᖃᓄᐃᓕᖓᓕᕋᔭᖅᐸ ᓂᕈᐊᕆᐊᖅᑐᙱᒃᑯᒪ?
    ᐊᖏᕐᕋᖅᓯᒪᓂᖅ ᓄᓇᒥᒃ ᓂᕈᐊᕈᑎᖃᕐᓇᖅᑎᓪᓗᒍ ᐅᓪᓗᒥᒃ ᐃᒪᓐᓇ ᐋᖅᑭᒃᓯᒪᓕᖅᑎᑦᑎᙱᓚᖅ “ᐊᖏᕐᓂᕐᒥᒃ” ᐋᖅᑭᒃᓯᒪᓕᖅᑎᑦᑎᓂᕐᒥᒃ ᐅᕝᕙᓘᓐᓃᑦ “ᐋᒃᑳᕐᓂᕐᒥᒃ” ᐋᖅᑭᒃᓯᒪᓕᖅᑎᑦᑎᓂᕐᒥᒃ. ᑕᐃᒃᑯᐊᑐᐊᖅ ᐃᓄᐃᑦ ᐊᓂᔪᑦ ᓂᕈᐊᕆᐊᖅᑐᖅᖢᑎᒡᓗ ᓈᓴᖅᑕᐅᖃᑕᐅᓂᐊᖅᐳᑦ. ᓂᕈᐊᕆᐊᖅᑐᙱᒃᑯᕕᑦ, ᐱᕕᒃᓴᕐᓂᒃ ᓴᒃᑯᑦᑎᓇᔭᖅᐳᑎᑦ ᐅᖃᕈᓐᓇᕐᓂᕐᒥᒃ ᖃᓄᖅ ᓄᓇᓕᒃᓯ ᐊᐅᓚᑦᑎᖃᑦᑕᕋᔭᕐᒪᖔᑦ ᓄᓇᓂᒃ.

  12. ᓂᕈᐊᕈᑦᑕᓕ “ᐋᒃᑳᕐᓗᑕ” ᐊᒻᒪᐃᓛᒃ ᐃᓱᒪᒋᔭᕗᑦ ᐊᓯᔾᔨᓕᕐᓂᓗᑎᒍ?
    ᓂᕈᐊᖅᑏᑦ ᐅᓄᕐᓂᖅᓴᐃᑦ ᓄᓇᓕᖕᓂ ᓂᕈᐊᖅᐸᑕ “ᐋᒃᑳᕐᓗᑎᒃ” ᑕᐃᒪᓕ ᕼᐋᓐᓚᒋᔭᐅᔪᖅ ᐱᔪᓐᓇᐅᑎᖃᑐᐃᓐᓇᓕᕋᔭᕆᕗᖅ ᐊᑐᖅᑐᐊᖅᑎᑦᑎᓂᕐᒥᒃ ᓄᓇᒥᒃ. ᒪᓕᒃᖢᒍ ᓄᓇᕘᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᖅ, ᑕᒪᓐᓇ ᐋᖅᑭᒃᓯᒪᓕᖅᑎᑕᐅᓯᒪᔪᖅ ᐊᓯᔾᔨᖅᑕᐅᔪᓐᓇᑐᐃᓐᓇᕋᔭᖅᐳᖅ ᐊᓯᐊᒍᑦ ᓄᓇᒥᒃ ᓂᕈᐊᕈᑎᖃᕐᓂᒃᑯᑦ.
  13. ᓂᕈᐊᕈᑦᑕᓕ “ᐋᖏᕐᓗᑕ” ᐊᒻᒪᐃᓛᒃ ᐃᓱᒪᒋᔭᕗᑦ ᐊᓯᔾᔨᓕᕐᓂᓗᑎᒍ?
    ᓂᕈᐊᖅᑏᑦ ᐅᓄᕐᓂᖅᓴᐃᑦ ᓄᓇᓕᖕᓂ ᓂᕈᐊᖅᐸᑕ “ᐊᖏᕐᓗᑎᒃ” ᐋᖅᑭᒃᓯᒪᓕᖅᑎᑕᐅᔪᒧᑦ ᓂᐅᕐᕈᑎᖃᕈᓐᓇᕐᓂᕐᒥᒃ ᕼᐋᒻᓚᒃᑯᑦ ᓄᓇᖁᑎᒋᔭᖏᓐᓂᒃ, ᐱᑕᖃᙱᓚᖅ ᐊᑐᖅᑕᐅᓕᕈᓐᓇᖅᑐᒥᒃ ᐋᖅᑭᒃᓯᒪᓕᖅᑎᑕᐅᔪᖅ ᐃᒡᓗᖔᖓᓅᓕᖅᑎᓐᓂᐊᕐᓗᒍ.

    ᑕᐃᒪᐃᓐᓂᖓᓄᓪᓗ, ᓄᓇᒥ ᓂᕈᐊᕈᑎᖃᒃᑲᓐᓂᕐᓂᕐᒥᒃ ᑲᔪᓯᑎᑦᑎᔪᖃᕋᔭᙱᓚᖅ ᐅᑎᖅᑎᑦᑎᒃᑲᓐᓂᕈᒪᓗᓂ ᐃᓱᓕᑦᑕᕈᑕᐅᕙᒃᑐᒥᒃ ᓂᐅᕐᕈᑎᖃᕐᓂᕐᒥᒃ ᕼᐋᒻᓚᒃᑯᑦ ᓄᓇᖁᑎᒋᔭᖏᓐᓂᒃ. ᑭᓯᐊᓂᑦᑕᐅᖅ, ᕼᐋᒻᓚᒃᑯᑦ ᑲᑎᒪᔨᖏᑦ ᐋᖅᑭᒃᓯᒪᓕᖅᑎᑦᑎᓇᔭᖅᐳᑦ ᐊᑐᕈᒪᓕᕐᓗᑎᒃ ᐃᒪᐃᑦᑐᒥᒃ, "ᐊᑐᖅᑐᐊᑐᐃᓐᓇᕐᓂᕐᒥᒃ” ᐊᑐᐊᒐᕐᒥᒃ, ᑕᐃᒪᐃᒃᑲᓗᐊᖅᑎᓪᓗᒍᓗ ᕼᐋᒻᓚᒃᑯᑦ ᑲᑎᒪᔨᖏᑦ ᓱᓕ ᐱᔪᓐᓇᐅᑎᖃᕋᔭᖅᐳᑦ ᓂᐅᕐᕈᑎᖃᕈᓐᓇᕐᓂᕐᒥᒃ ᓄᓇᒥᒃ.

  14. ᖃᓄᐃᓕᖓᕙᓕ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᖃᓄᐃᓕᓯᒪᓂᕆᔭᖓᑦ ᑕᒪᑐᒧᖓ ᓄᓇᒥᒃ ᓂᐅᕐᕈᑎᖃᕐᓂᐅᕙᒃᑐᒧᑦ?
    ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᐃᑲᔪᖅᑐᐃᕗᑦ ᓄᓇᓕᖕᓂᒃ. ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᐅᒃᐱᕆᔭᖃᖅᐳᑦ ᓄᓇᓕᖕᓂ ᐋᖅᑭᒃᓯᒪᓕᖅᑎᑕᐅᔪᑦ ᐋᖅᑭᒃᓯᒪᓕᖅᑎᑕᐅᓪᓗᐊᖃᑦᑕᕐᓂᖏᓐᓂᒃ ᓄᓇᓕᖕᒥᐅᓂᑦ. ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᖃᓄᐃᓕᖓᓂᖓᑦ ᑭᓇᑐᐃᓐᓇᕐᒥᒃ ᐃᑲᔪᖅᑐᐃᙱᓐᓂᖅᓴᐅᕗᖅ.



ᖃᕆᓴᐅᔭᒃᑯᑦ ᐊᑐᖅᑕᐅᔪᓐᓇᖅᑐᑦ ᐱᓕᕆᔾᔪᑕᐅᓗᑎᒃ

ᓄᓇᙳᐊᖁᑎᒋᔭᐅᔪᑦ
ᓄᓇᓖᑦ

100-ᓂᒃ ᐃᓯᒐᓪᓗᐊᓂᒃ ᑕᑭᓂᓕᒃ ᓄᓇ

ᐊᐱᖅᑯᑕᐅᒐᔪᒃᐸᒃᑐᑦ ᐊᐱᖅᑯᑎᒃᓴᐃᑦ
ᓄᓇᒥᒃ ᓂᕈᐊᕈᑎᖃᕐᓂᕐᒧᑦ ᐊᐱᖅᑯᑏᑦ ᐊᐱᕆᔭᐅᔾᔪᑕᐅᒐᔪᒃᑐᑦ ᓂᕈᐊᕐᓂᖅ

ᓄᓇᒥᒃ ᐊᑐᖅᑐᐊᕐᓂᕐᒧᑦ ᓄᓇᒥᒡᓗ ᐊᑐᕐᓂᕐᒧᑦ ᐊᐱᖅᑯᑎᒃᓴᕆᔭᐅᕙᒃᑐᑦ

ᑕᑯᔅᓴᕈᕈᓐᓇᖅᑐᑦ ᐊᒃᑐᐃᓂᖃᓐᓃᑦ

ᖃᓄᐃᓕᐅᒐᒃᓴᐃᑦ
ᐃᓄᓕᒫᓄᑦ ᑐᓴᒐᒃᓴᖅ

ᓂᕈᐊᕐᓂᖅ

ᐱᕙᓪᓕᐊᔪᑦ
ᓄᓇᒥᑦ ᓂᕈᐊᖕᓂᖅ

ᐊᑐᐊᒐᐃᑦ ᒪᓕᒋᐊᖃᖅᐸᒃᑐᓪᓗ ᒪᓕᒐᐃᑦ

ᐅᖃᐅᓯᓕᕆᔾᔪᑎ



©2010 Government of Nunavut | Privacy Statement